Академиялық ұтқырлық

Академиялық ұтқырлық - бұл білім алушыларды немесе оқытушыларды белгілі бір академиялық кезеңге басқа жоғары оқу орнына, ел ішінде немесе шетелде оқыту немесе зерттеу жүргізу үшін ауыстыру мүмкіндігі.

Біздің ЖОО-дағы академиялық ұтқырлық екі негізгі бағыт бойынша жүзеге асырылады: студенттерді қазақстандық серіктес ЖОО-да оқыту және шетелдік ЖОО-да оқыту. Ұтқырлық бағдарламалары серіктес жоғары оқу орындары арасындағы шарттар шеңберінде жүзеге асырылады.

Академиялық ұтқырлық студенттерге, магистранттарға, жас ғалымдарға Қазақстанның және шет елдердің әртүрлі қалаларында өмір сүруге, оқуға, жұмыс істеуге, тағылымдамадан өтуге, басқа мәдениетті білуге, түрлі қалалардан, елдерден, континенттерден достар табуға мүмкіндік береді.

Академиялық ұтқырлық бағдарламалары бойынша оқу біздің студенттер мен магистранттарға шет тілін меңгеру деңгейін жақсартуға, теориялық білім мен практикалық дағдыларды тереңдетуге, елді жақсы білуге, қазақстандық және шетелдік құрдастарымен танысуға мүмкіндік береді.